68歲嘅台灣資深歌后 蔡琴 巡迴演唱會再次返台北展開，蔡琴特別為呢個騷訂製多套新嘅靚衫，展現滿滿誠意，一開場佢就送上大家熟悉嘅《最遺忘的時光》，帶大家進入一場音樂饗宴。
蔡琴喺自嘲係「老女人」，好感動仲有咁多人聽自己唱歌，佢感性表示舞台係自己嘅家，而歌迷就係自己最親密嘅屋企人。出道47嘅蔡琴，喺舞台上擁有無數掌聲，但其實佢亦付出好大代價，因為著太多高踭鞋，搞到腳傷晒，有時行路都企唔穩，另外因為對得太多聚光燈，所以造成雙眼畏光，日常生活經常要戴黑超，不過為咗最愛嘅舞台，自己甘願付出。
蔡琴全晚演繹超過20首經典金曲，仲請到音樂大師鮑比達助陣，令滿場歌迷大飽耳福。