邱鋒澤預告下月生日澳門開騷 坦言五堅情暫無合體計劃

台灣組合五堅情嘅成員 邱鋒澤 日前現身香港出席活動，現場聚集唔少粉絲，鋒澤為咗答謝鋒蜜們嘅支持，即場清唱咗幾句《PARADE》，鋒蜜們都好捧場齊齊大合唱，氣氛熱烈。

下個月31號就係佢38歲生日，正日佢將會喺澳門開騷，可以同鋒蜜一齊慶祝，鋒澤都話好期待，佢仲預告到時有機會會唱廣東歌。至於會唔會到香港開騷，鋒澤就話正尋覓合適嘅場地，希望好快可以有好消息。

講到五堅情幾時有機會再合體，鋒澤就話大家暫時專注個人發展，雖然短期內唔會有團體活動，但就有計劃會兩個成員一齊出歌，各位粉絲可以耐心再等等。