馮允謙活動與泰人氣女星Becky合唱 歌債還唔完落閘叫債主比耐性

馮允謙 呢日出席品牌活動，同首次來港嘅泰國人氣女星Becky同場，原來兩人早前已於另一時裝活動碰過面，而即將推出新歌曲嘅Becky，呢日仲同Jay即場合唱，兩位唱得之人清唱令現場嘉賓都聽得如痴如醉。

Jay之後指Becky為人非常親切，仲希望有機會可以音樂上合作，更加希望邀請對方做嘉賓呀。周身歌債嘅佢，又笑言自己「債台高築」，仲指要開始落閘，唔夠好嘅作品唔會交貨，不過大家就要加多啲耐性喇。

講到耐性，講有意結婚都好一段時間嘅佢，女友唔知等到怕未？Jay就話目前大家都專注工作，所以暫時都未知時先正式成婚，不過就話一有好消息一定會同大家分享喇。