區瑞強11月再開騷約好友同台 邀鄭國江出席拍賣珍藏字畫行善

呢日現身一個社區活動嘅 區瑞強 透露11月將會再次開騷嘅計劃，仲話要把握機會同歌迷見面聚舊，當然亦唔少得邀請一班好友一齊玩， 吳大強 同 占士丁丁都一樣會現身。呢日Albert就指丁丁嘅個人形象數十年來罕見，仲大讚佢爆發力十足，大強哥嘅英文老歌就情懷十足咁話。

Albert仲話今次會邀請 鄭國江 老師任嘉賓，到時仲會大唱鄭Sir當年為 陳百強 譜寫嘅多首金曲，更指歌曲充滿味道，今時今日一樣唔過時，又爆鄭Sir將捐出一幅「今宵多珍重」字畫供慈濟拍賣呀。