2015年香港小姐亞軍 龐卓欣 正式升格為人妻！去年底於社交平台分享手上巨型求婚鑽戒宣佈定婚後，Ada與交往多年嘅金融才俊男友Patrick，星期六低調舉行婚禮同註冊儀式，並僅邀請親友現場見證，明年將移師泰國舉辦盛大海外婚禮。
Ada於成婚前仲不斷更新社交平台分享興奮心情，佢由整理髮型同妝容嘅過程開始分享，更囪指婚紗內嘅束衣非常緊，更令佢幾乎呼吸困難，又笑言可能整日都唔可以坐，不過因為靚就乜都值得
Ada坐上婚車時仍繼續拍片﹐佢分享註冊派對規模唔算大，只係邀請家族成員同親近親友、以及最愛嘅狗狗同自6 歲起已照顧佢嘅家傭姊姊出席。又坦言準備致辭內容時非常感觸，甚至眼眶泛淚，希望正式致辭時唔會爆喊咁話。影片最後可見Ada與新婚丈夫Patrick於戶外花園進行簽字儀式面。現場佈滿氣球同鮮花，雙方家屬在旁見證又一齊合照，場面溫馨甜蜜。
龐卓欣出身富裕，父親為知名基金管理董事總經理。Ada雖然2015年奪得港姐亞軍，不過就未有投入娛樂圈發展，其後轉型成為KOL同音樂導師，於網絡同社交平台發展。
佢同Patrick拍拖多年一直感情穩定，經常於社交平台大曬恩愛。雖然Ada先前曾自爆因過往經驗而與男方簽訂婚前協議，但兩人默契十足，Patrick亦非常支持Ada各項決定，如今順利步入人生新階段。
