深入民心嘅處境劇《皆大歡喜》2003年起播放，各個角色都令觀眾有極深刻印象， 薛家燕 陳彥行 鄧兆尊 仲有已轉型從商嘅 廖碧儀 ，齊齊現身《一周星星》接受 區永權 專訪，分享當年有趣故事。
原來當年古裝版325集叫好叫座之後，「慈姑」家燕姐曾拒絕繼續參與，呢日佢就指當年古裝外景辛苦不足為外人道，後來仲因為 阮兆祥 提議拍時裝版本，所以後來就一個翻轉有續篇喇。
當年慈姑於古裝版更曾有香艷出浴鏡頭，家燕姐更非常投入邊浸浴邊高歌，家燕姐事前仲同導演問晒細節，沖涼之外更扮猛男周身毛，真係諗起都笑到停唔到呀。
《一周星星》星期日晚 21:30 翡翠台