網上對 鄧兆尊 嘅三位紅顏知己有唔少批判，不過喺好友 梁思浩 眼中，兆尊呢三位太太喺佢心目中都好靚，因為佢話呢三位女士，都肯同兆尊患難見真情，所以覺得佢哋好靚。
至於講到因咩事而患難見真情？兆尊就講返當年有啲事發生咗，而呢三位紅顏就同佢講，平時佢哋打斧頭都剩落唔少錢，直言如果兆尊有需要嘅就攞去用，兆尊話雖然自己最終冇攞到去用，但佢哋肯拎出嚟就已經覺得好難得。
myTV SUPER重溫《一周星星》精彩內容
而家燕姐就相當好奇兆尊係點樣令三位紅顏可以和睦相處？坐喺兆尊旁嘅 陳彥行 就幫手回應係以「家用」維繫後宮和睦，令在場眾人笑翻。笑完後兆尊先講返，因為大家共過患難，見到大家為人先可以維繫；而行姐亦指呢件事可以見到兆尊都係一個重情重義嘅人，仲講笑話自己當年咁正，仲有條「唔係人恁品」嘅事業線，兆尊都冇拋棄糟糠嚟追佢，就知兆尊重情義。
myTV SUPER重溫《皆大歡喜》爆笑劇情
《一周星星》星期日晚 21:30 翡翠台