薛家燕 廖碧兒 陳彦行 鄧兆尊 四位《皆大歡喜》演員 作客節目《一周星星》接受 區永權訪問。四位除咗分享合作趣事之外，家燕姐仲爆當年行姐同兆尊假戲真做，搞到行姐都笑到流眼淚，仲感嘆自己年少唔識嘢，少女不知哥哥好。
myTV SUPER重溫《一周星星》精彩內容
至於有幾好？行姐就如數家珍咁大讚兆尊好體貼，又會買嘢比大家食，又會主動車大家收工，家燕姐即刻補多一句「係特别車你啫，點會話車我呀？」Albert即刻打蛇隨棍上，問佢係咪後悔當年唔識貨？唔識珍惜？行姐即刻望下兆尊問佢：「而家應該無機會啦？」兆尊即刻打量下行姐嘅身材，引得全場大笑。
兆尊坦言覺得行姐當年質素一流，樣靚身材正，但因為覺得自己唔配行姐，所以未有進一步追求，而行姐就話當年都feel唔到兆尊對佢有意，仲覺得佢好煩添。
《一周星星》星期日晚 21:30 翡翠台