今集《一周星星》搵嚟 米雪 拍片隔空提問，點知米記一嚟就絕殺 廖碧兒Bernice ，指佢個人又優秀又靚女，無理由無另一半嘅，仲叫佢快啲透露另一半係邊個，聽到在場嘅 薛家燕 陳彥行 鄧兆尊 同主持 區永權 都拍晒手，至於當事人 Bernice 就笑到拍晒手。
myTV SUPER重溫《一周星星》精彩內容
講返Bernice嘅戀情，一眾《皆大歡喜》嘅家人都相當關心，身為大家長嘅家燕姐，就話Bernice最近個樣甜咗好多，相信係有愛情萌芽中，而行姐亦指有人以飛機於天空寫字向Bernice示愛。一眾演員都好戥Bernice開心，仲叫佢要預返一圍枱畀《皆大歡喜》嘅演員。
得到大家祝福嘅Bernice就相當感動，仲話自己拍咗咁多年嘢，真係當《皆大歡喜》嘅演員係家人，到而家都仲有keep住聯絡，之後仲越講越感動，最後搞到Bernice忍唔住落淚呀。
myTV SUPER重溫《皆大歡喜》爆笑劇情
《一周星星》星期日晚 21:30 翡翠台