有「舞台王者」之稱嘅 郭富城 宣佈將於今年除夕同明年元旦，登陸啟德主場館，舉辦跨年演唱會26/27》，一連兩晚上同觀眾一齊倒數同迎接新年。
主辦單位指門票將於下月發售，而以繽紛色彩製作嘅海報，再次邀請與Aaron合作無間嘅最強班底操刀；包括美術大師張叔平、攝影名師夏永康，為呢次Aaron嘅「啟德首演」，整先聲奪人嘅海報。
拍攝當日整個影樓掛滿各款服飾，張叔平特別偏愛一套釘工精緻嘅紅色禮服恤衫配紅褲，Aaron亦先後轉換多個造型拍攝，夏永康團隊就搭建彩藍背板，予Aaron隨樂起舞時作背景，希望燈影反射，令構圖增添多元視覺。
Aaron對今次啟德演出非常期待：「舞台可以天馬行空咁巨大，聯同更龐大嘅精銳舞團、重裝燈效、熱唱金曲、與及全新型格舞衣相互配合，好有信心會擦出令人眼前一亮嘅火花！」佢仲表示會全力以赴，挑戰更多精彩嘅舞台極限，為歌迷觀眾呈獻更震撼嘅演出。
演唱會定名為《ICONIC MOMENT》，其實Aaron於啟德開騷消息一傳出，已掀起全城期待。Aaron同團隊已全力投入籌備呢次演出，正費盡心思希望呈獻一次突破舞台，希望同觀眾有更多互動分享。