校長 譚詠麟 共10場嘅紅館演唱會，第8場於20號舉行，當晚吸引到文化體育及旅遊局局長羅淑佩、林子祥及葉蒨文、狄波拉、劉天蘭、黎瑞恩、邵美琪、孫耀威及太太陳美詩、江美儀、姜皓文殷寧夫婦、鄧建明、譚輝智、梁浩賢及李金凱等到場欣賞。
演唱會由「無言感激篇」到「情不變篇」，都設有「蒼海遺珠」環節，每晚都準備咗三首唔同嘅歌畀歌迷即場選擇，而呢晚分別係《情緣巴士站》、《我的生命我的愛》及《相識非偶然》。
最終校長率先唱出歡呼聲最高嘅《相識非偶然》，但唱完呢首後，對於歌迷嘅要求佢都有求必應，校長仲畀歌迷感動到眼濕濕。而當唱到《朋友》一曲時，校長未遞咪，全場過萬觀眾已接住開口唱，再次感動到校長，所以唱到尾聲時，校長就忍唔住將歌詞改為「係我今世嘅好朋友」，之後仲不禁流下男兒淚呀。
