周志康 莫家淦 姚兵 黃建東 幾位《中年好聲音4》唱將，嚟緊將會舉行音樂會，呢日佢哋就嚟到一個 pickleball場地進行busking，吸引唔少人 嚟聽歌，當中阿淦嘅父母亦都有嚟撐場。
最近佢哋就忙於為音樂會進行排練，呢晚佢哋就為音樂會嚟個預演，周志康就話呢晚屬於前哨戰，而莫家淦就話因為音樂會將至，所以要加緊訓練。至於講到特別嘉賓？周志康就話大家大致上都知有咩人，加上到時佢哋會有唔同組合嘅合唱，所以佢哋都相當期待。
除咗要keep住把靚聲，當然亦要有副好body，周志康指自己一直覺得黃建東係減肥KOL，成日都keep住減肥，莫家淦就指東東只係keep住講，而身為當事人嘅東東，就指減肥係終身事業，一啲都唔容易，所以都會跑返兩日呀。
