黃博 最近推出新歌《花說》，早前舉行應援活動唔止大班Fans支持，仲有「中2生」 甘永傑 擔任主持，為配合歌曲主題，博博呢日就在場為大家炮製唔同「花」式飲品，當然亦為大家即場獻唱新歌啦。
推出今年第2首歌曲嘅佢，今次再參與作曲，不過就以更積極正向嘅方向，希望鼓勵大家，亦表達自己嘅感恩之意。呢日佢仲分享唔少舊照，當中張張都有豐富故事。至於MV就邀請 劉綽昕 合作，其中阿Sam扮演一個外剛內柔嘅人。
11月佢就會同 李佳 一齊到廣州開騷，佢就話好開心可以直接同歌迷見面，首次於內地開騷嘅佢，仲話非常期待呢次演出，仲預告內容非常豐富呀。
