《灣區升明月》電影音樂晚會日前，於澳門舉行，當年曾合演瓊瑤經典電視劇《情深深雨濛濛》嘅 古巨基 林心如 同 蘇有朋 ，更再合體同台演出，一齊合唱電視劇同名主題曲，為全場觀眾掀起當年嘅追劇回憶，演出片段其後於網上流傳，更被網民洗版留言指係「青春回憶」。
演唱《情深深雨濛濛》之外，古巨基同蘇有朋更齊齊重現當年劇中經典造型，古Sir身穿復古西裝背心再手持外套，劇中「何書桓」形象即時重現；而蘇有朋則戴上劇中嘅標誌性眼鏡，又黐上鬍鬚，還原佢劇中假扮餐廳侍應嘅經典場面，非常入戲。
一眾網民反應熱烈，仲紛紛留言指回憶返晒嚟！，更指眾人嘅打扮完全還原劇中形象，又讚古Sir基本上冇老過。
