「10.1 半價睇好戲」回歸！香港戲院商會呼籲市民10月1日入場享受半價睇好戲優惠。 甄子丹 早前已出演政府宣傳片，而商會又邀請多位藝人拍攝宣傳片助攻，透過鏡頭號召觀眾齊齊入戲院，力撐「10.1半價睇好戲」!
商會又宣佈，將於星期六舉行「爆谷出沒注意」街頭快閃活動，宣傳車將駛入鬧市，播放宣傳片，更邀請特別嘉賓 王丹妮 落區派爆谷，屆時將現身沙田、旺角同銅鑼灣派福利。 Louise指戲院係陪伴自己成長嘅重要回憶，以自身力量號召大家入場支持香港電影別具意義。
私底下係「爆谷控」嘅佢，更非常期待親身派免費爆谷，與大眾分享：「爆谷象徵睇戲嘅快樂，希望呢次將喜悅親手送俾大家，全城Mark實買飛日，搶飛睇好戲。」
「10.1 半價睇好戲」由文化體育及旅遊局轄下文創產業發展處的電影發展基金資助，全港52間商業戲院所有場次，不論放映格式或影院類型，戲票一律半價。戲票9月28日(星期一)中午12點起，於各大戲院票房、院線網站同手機應用程式公開發售。詳情請留意各大院線公布。