周殷𨑳 早前被發現與 黃子華、任達華等茶敘，當時外界已估計會面似乎同YT早前公佈；與「雨夜屠夫」故事新片有關，YT方面公佈與監製 陳穎倫 合作，佢將首次以電影導演身份，，爲電影《雨夜之徒》執導筒，亦確認邀請 黃子華 助陣演出，同時公開電影概念海報。
首次擔任電影導演嘅YT，過往曾多次執導自己演唱會同廣告、MV等唔同作品，不過正式成為電影導演就令佢心情非常興奮，因為作品已籌備長達七、八年之久，期間更不斷反覆改寫劇本同花時間作唔同準備，所以正式落實自然非常高興喇 。
YT又話：「今次同團隊花好多心血去構思，亦會同好多唔同演員一齊合作，佢哋都係非常好嘅演員，希望台前幕後都一齊打造一部有新火花嘅電影。」
雖然過往佢執導有唔少經驗，不過YT覺得拍電影未必可以相提並論：「大家都將自己最好嘅一面呈現出嚟，演員陣容亦會以唔同的章節陸續同大家去分享，所以非常期待。」
