機場職工參與「飛常好聲音」 FC黃博任評審驚嘆臥虎藏龍

雖然《中年好聲音4》已經圓滿結束，不過近日就有一個專為機場工作人員舉辦嘅「飛常好聲音」舉行，於機場為大家服務臥虎藏龍嘅唔同公司工作人員，先後參與海選，而中聲唱將就轉換身份分別擔任評審， 譚輝智 同 黃博 都話諗唔到機場有咁多高手隱藏其中呀。

佢哋仲指要同參賽者分享評語呢個部份最困難，FC仲笑言話自己一早已詞窮，仲話遇到一位參賽者可以稱為機場黎明，外貌同選曲都非常相似，所以畀分相當高喎。

一眾參加者將爭取下月底嘅決賽席位，而呢日現場司儀 顏米羔 同 陳芊芸 就一樣非常落力，不過佢笑言被工作人員整蠱，因為資料同講稿字體細到「中年」朋友幾乎因為老花而睇唔到呀。