方力申以大使身份出席一個由胞弟方圓明有份籌辦嘅活動，小方嚟緊11月挑戰35公里慈善渡海泳籌款，而愛女愛嘉（Isla）呢日亦準備出賽！
小方運動細胞遺傳畀阿女Isla，呢日Isla首次參加爬行比賽，爺爺方毓仁就幫孫女影相，小方出盡法寶，哄愛女爬快啲，Isla不負眾望贏咗人生第一面金牌。小方覺得愛女比較貪玩，又鍾意其他小朋友，一見到有其他小朋友同場，就好想同人哋玩，方圓明都覺得姪女Isla比較外向啲！
小方為咗讓愛女比賽時唔好恰眼瞓，調整咗Isla作息時間，等Isla參賽前小睡片刻，見阿女咁叻女，小方亦要做好榜樣，為嚟緊渡海泳做好準備，每日操水練8公里游一個鐘頭，小方話自己游係好悶，而小方話出去練水，太太要獨自照顧小朋友都辛苦。
