曾比特 日前現身一個健康生活節，以嘉賓身份受同現場朋友近距離接觸，又即場分享對健康嘅睇法，當然亦唔少得為大家獻唱唔同歌曲喇。Mike仲指活動可以令大家更理解健康對生活嘅重要，仲非常興奮可以同Do姐 鄭裕玲 見面呀。
阿Mike平時雖然忙到爆，問到佢有24小時空閒會點過時，佢就話想趁咁好機會陪伴家人，仲話要盡量抽時間相處，認為咁就係最佳禮物喇。
過往身形圓潤嘅佢，為健康以短短3個月時間就搣甩40磅，變身為一位型爆靚仔，不過就被經理人Mani嚴禁過瘦，可以放鬆食多少少嘢喇，仲話新碟好快就會同大家見面，今次佢更挑戰監製工作，令佢更加期待呀。
