5位《女神配對計劃2》嘅女主角，於日前播出嘅第3集，終於完成揀選求愛勇者嘅環節，呢集現身嘅各位男士勇者質素不俗，好似職業足球員 劉芷堅 由內地專程來港嘅短劇演員 吳旭東 同埋狂吸注意嘅冷氣技工 方智弘 ，至於 李韋標 雖然受Amber邀請參加，不過就八字星座冇樣夾，令佢以為自己名落孫山呀。
而 陳萬龍 呢位從未拍過拖嘅戀愛新手，就指自己係靠空檔時間惡補氹女仔技巧，最後亦成功入選。 關經翰 於節目自揭曾有一夜情經歷，亦唔怕女神會擔心而令自己落選，感覺相當自信。而 鄭健樂 雖然早前新聞一浪浪，呢日亦繼續勇往直前，希望獲Juliana青睞，佢仲覺得對方外國讀書性格應該更開朗，又認為對方係「冇機心嘅人」，呢句唔知有冇咩暗示呢？
而決定16位求愛勇者嘅一眾女神 阮嘉敏 何沛珈 郭珮文 俞可程 同 陳若思 ，對同各位求愛勇者嘅節目發展就各有睇法，心情仲似乎等唔切非常期待，更覺得各位男士決心極大呀。
《女神配對計劃2》星期日晚 20:30 翡翠台