譚詠麟嘅10場紅館演唱會星期二舉行最後一場演出，台下觀眾星光熠熠，更吸引劉德華李克勤夫婦同狄波拉等圈中好友捧場，校長又即興邀請華仔同克勤上台，三人同框掀起整晚高潮。

台上三人互動幽默溫馨，華仔同克勤一上台就同校長熱情擁抱，校長又特別感謝兩人花心思同心力，為佢度身打造填詞歌曲《我在意》，以表達佢對好友同歌迷嘅感謝心聲，又感歎「有朝一日如果唱唔到，大家可以幫手唱」。而華仔同克勤又開玩笑指校長於尾場會再感性落淚，華仔又代表全場觀眾，希望校長一直繼續唱。

隨後三人於台上合唱由華仔與克勤填詞嘅《我在意》，演唱會詳細內容，請留意TVB娛樂新聞台稍後報道。