譚詠麟 一連十場紅館演唱會，喺全場高漲氣氛兼不捨心情下圓滿結束，校長全晚傾盡全力獻唱，為全場觀眾能下難忘回憶，校長仲高呼：「為你哋服務喺我一生榮幸，多謝大家咁多年嘅支持。」
尾場觀眾席星光熠熠，劉德華同李克勤驚喜現身，兩人更上台做嘉賓，華仔仲向校長表示：「我代表現場所有人求你呀﹗你繼續唱呀，我在意呀，大家都在意。」之後三人更合唱一曲《我在意》，唱唱下華仔突然感觸，雙眼通紅，搞到身旁嘅校長都一度哽咽。不過，校長事後訪問時就堅持自己無喊，仲話自己有努力忍住，反而佢話華仔想整喊佢呀。
完成紅館個唱後，校長將展開百幾場巡迴演出，問到佢會唔會再開安歌場時？佢就話到時先諗，至於會唔會去啟德開騷？佢就以笑回應。
