吳業坤拍廣告展空手道功架 自組工作室感激身邊朋友支持

吳業坤 日前為廣告進行拍攝，展示佢嘅空手道功架。坤哥表示心情緊張，因為拍劇好少有動作戲，但拍廣告就要挑戰動作戲，所以會緊張，但亦想精益求精，將自己嘅興趣擺上螢光幕同大家見面。

坤哥仲話，拍廣告前去咗台灣拍8日《試真D唷》，所以又要不停食又唔可以太肥，佢都準備縮住肚嚟拍攝。

自組工作室嘅坤哥事事要親力親為，令佢都有甜蜜嘅苦惱。不過佢都好開心有唔同工作機會。坤哥就話自己對計數唔叻，所以要學習返整理同擺返多啲耐性，不過過程係開心，佢都好多謝身邊有好多人支持佢。