鍾柔美（Yumi）唔只唱跳演戲樣樣精，仲有一顆善良嘅心，近日Yumi喺社交平台分享身穿保護衣嘅自拍照。
Yumi參加義工活動，早前日行一善，為長者清理堆積如山嘅雜物，喺配文第一句就寫「（影片和相片可能會令人情緒不安, 請斟酌觀看）」，從片中可見，Yumi身處嘅環境相當凌亂污糟，而佢零偶像包袱，認真執雜物。
呢個活動亦令Yumi感覺充實同有意義，佢形容呢件事唔只係體力勞動，更係一場耐性嘅考驗，佢仲話：「雖然未做得最好，但願意行出多一步，已經好充實，好開心有意義。 但只要我哋都願意出一分力，就可以為有需要幫助嘅人帶嚟溫暖。」
而Yumi呢個分享，不單止得到粉絲讚佢又乖勇猛，亦吸引林智樂、陳若思等藝人留言，Amber仲話：「希望啲人知道你 其實比想像中善良🙌❤️❤️很棒」。
