又到每個星期嘅《電影泉攻略》，主持王鎮泉帶你緊貼最新電影資訊。著名喪屍電子遊戲《生化危機》同名電影上映短短幾個星期已經收獲好多好評，更有唔少觀眾認為導演Zachary Cregger一定有玩開呢個系列嘅Game，因為電影營造到同玩遊戲一樣，仲有好強遊戲彩蛋。

呢套電影嘅全球票房成績都非常唔錯，單單喺第一個周末票房已經喺1.08億美元，除咗成為歷代《生化危機》開畫票房冠軍外，仲超越02年《生化危機》總票房1.02億美元。

新片速遞：

《復仇者聯盟4：終局之戰》：魁隆彈指之間令宇宙一半生命灰飛煙滅，剩低嘅復仇者成員終極集結，鐵甲奇俠、美國隊長、雷神、鷹眼、黑寡婦、變形俠醫等元祖復仇者團結一致，聯手力抗魁隆嘅瘋狂計劃，力圖扭轉悲劇，重整宇宙秩序。

《狂野雄心》：一場慘烈空難後，畢彼特飾演嘅特種部隊軍官發現自己同軍犬「奧丁」被困喺阿拉斯加嘅荒野。為咗絕地求生，佢哋只可以齊心協力對抗惡劣嘅自然環境。究竟兩位可唔可以執返條命仔呢？

《空槍》：90年代初，香港可謂“遍地黃金”。打工仔萬梓強結識空姐駱嘉苑後，兩人聯手作案，劫取巨額錢款，呢次得手令萬梓強越發越瘋狂，亦將佢同富商陳輝延推向了更深的角力漩渦中。與此同時，兩地警方聯手行動，正邪較量一觸即發。

泉叔派福利時間又嚟喇，今次只要答啱問題又被我哋抽中嘅觀眾朋友，將會獲得電影《空槍》嘅換票証兩張，名額得十個架咋，問題就係：「衛詩雅喺《空槍》入面，飾演嘅角色本來嘅職業係咩呢？」

知道答案嘅朋友記得喺 9月24日，晚上十點至十二點期間，私信到「TVB 娛樂新聞台Facebook專頁」，註明《電影泉攻略·泉叔派福利》，記得十點前send嚟嘅答案係唔算數㗎！

＊＊＊《空槍》只准18歲或以上人士入場觀看＊＊＊

本周票房龍虎榜，截止9月23號中午，第一位《生化危機》；第二位《歡迎來龍餐館》；第三位《HOPE：逆襲希望港》。