顏米羔為粉絲親製月餅 預告新歌或嘗試京腔

顏米羔趁住中秋佳節前夕，又再一次舉行聚會同米粉歡聚，米羔仲搵嚟好友 馮彥中 幫手伴奏。話明係中秋節聚會，當然要玩吓遊戲、猜燈謎啦，米羔仲落手落腳同大家一齊整月餅。

米羔親手為大家炮製冰皮月餅，話自己落手試完先知唔容易，但佢自豪咁話自己算整得唔錯嘅一個，仲話自己親手整嘅食物都食得開心啲。

米羔近年積極與唔同音樂人合作，指自己唱歌年資仲好淺，想向更多前輩學習，希望自己好似海綿咁可以不斷吸收。米羔又透露嚟緊會同馮彥中喺音樂上有合作，馮彥中就指想對方嘗試一啲京腔，又或者嘗試高音呀。