應屆港姐冠軍袁絲珩呢日應香港藝術發展局邀請出席「城中藝遊：重遊大坑」活動，將傳統文化與當代藝術結合，讓市民以更生活化及互動嘅方式認識大坑，袁絲珩透露父親兒時曾居住於大坑，參與舞火龍活動。雖然袁絲珩自細喺屯門長大，但每逢中秋節，父親都會帶佢返大坑欣賞舞火龍，拎一炷香擺喺神枱，感受呢項深具香港特色嘅傳統文化。
袁絲珩身為香港傳統非物質文化遺產「大坑舞火龍」嘅後人，呢日參加紮作工作坊，親手製作「迷你小火龍」，袁絲珩身笑言由細到大睇大坑街頭巡遊，火龍體積龐大，今次有機會親手製作小火龍個龍頭，將作品拎上手，真係非常有趣同可愛。
袁絲珩本身係藝術工作者，佢樂於透過自身工作推廣藝術，鼓勵市民透過藝術工作坊、導賞團及社區探索，認識歷史建築、街區特色、文化同傳統，感受香港本土文化嘅獨特魅力。
