曾展望Sophie無懼酷熱情侶檔傾力獻唱 獲粉絲驚喜送手工月餅超窩心

TVB戀愛真人騷《女神配對計劃》造就人氣情侶葉蒨文（Sophie）與曾展望（GM），二人日前迎嚟拍拖一周年，早前佢哋結伴出席一個中秋節預祝活動，各自唱三首歌曲，吸引大量葵青區街坊到場欣賞。

戀愛真人騷《女神配對計劃》

當日活動時間正值中午，GM同Sophie傾力獻唱，而一眾fans亦聽得如癡如醉，即使現場太陽多熾熱，亦無阻fans及觀眾熱情。GM同Sophie喺活動後，主動走向人群，咁現場觀眾當中有一位小朋友主動表演跳舞，GM同Sophie都睇得十分開心。

完成表演後，現場觀眾排隊要跟他們合照，二人非常寵粉，對fans及觀眾有求，GM特別受小朋友歡迎，影大合照嗰陣，有粉絲親手製作月餅送給佢哋，二人感到既驚喜又窩心。