曾主持《Think Big 天地》嘅前港姐 黃碧蓮（Linna），於中秋佳節宣布BB平安出世嘅喜訊！Linna喺社交平台曬出產房合照，宣佈順利誕下愛兒Logan，正式升呢成為新手媽媽。
喺中秋月圓之夜迎來新生命，Linna 於社交平台兩度晒出囝囝嘅照片，佢仲喺帖文中分享分娩經歷，笑言自己好似變成狼人一樣：「如果要形容我的生產經歷，我覺得自己就像是在滿月下變身的狼人 🥹。那些宮縮痛感簡直太糟糕了──滿分一萬分的話，我給零分。絕對不推薦體驗。不過硬脊膜外麻醉（無痛分娩）的效果真的很棒……🤩 直到我必須開始用力把寶寶生出來的那一刻。」Linna指雖然分娩過程相當痛苦，但當佢見到Logan趴喺自己胸口，同佢四目相對時，佢就覺得一切苦難都唔再重要。
最有趣嘅係，Linna指佢嘅婦產科醫生完全按佢要求咁做，將Logan好似《獅子王》入面Rafiki舉高Simba咁，將BB高高舉起展示畀佢睇，相當搞笑。除咗感激佢嘅婦產科醫生 Vicky Lee外，Linna亦以超級英雄嚟形容產房中嘅護士，以及負責產後護理的護士們，佢仲鄭重地感謝其中一位護士：「特別要感謝 Bonnie 護士，她給了我很多實用的哺乳建議，還在寶寶像食人魚一樣狠狠咬我的時候及時解救了我 🥺」
Linna順利誕下Logan嘅消息傳出後，唔少圈中人阿網民都紛紛留言送上祝福，仲話佢哋今個中秋真係人月兩團圓呀。