TVB處境劇《愛・回家之三代同糖》一眾演員齊集商場跟市民慶祝中秋，佢哋首度公開獻唱主題曲《代代相愛》。林迪安嚟支持愛女 林沚羿 ，更以觀眾身份上台一齊玩遊戲，活動上亦宣佈徐榮加盟劇組，車婉婉話不知幾開心，更指徐榮工作太忙，遲遲未入劇組。徐榮話相隔十年再加盟《愛‧回家》，亦係第三次跟婉婉合作，兩人默契十足。myTV SUPER重溫全新處境劇《愛．回家之三代同糖》
吳若希（Jinny）同趙浚承（Gary）飾演嘅角色嚟緊會有微妙嘅轉變，兩人化解敵對關係，Gary笑指Jinny近日望住佢嘅眼神，好似和諧咗、笑多咗。Jinny話稍後佢同Gary之間會有第三者出現，大家仲有身體接觸，不過Jinny強調同劇中男友感情依舊無變，不過Gary就話Jinny遲啲會愛上佢。
