Gin Lee新歌大牌檔取景熱到噴汗 返大馬剪綵請大隊狂擦甘香榴槤

李幸倪 呢日到電台宣傳新歌，仲指會以五行嘅主題推出唔同作品同概念大碟，更會身兼統籌同創意工作。而新歌以熱力為主題，仲直情去到大牌檔拍攝，仲化身為老闆娘，不過拍攝時盲係香港嘅炎夏，現場仲壞埋冷氣，真係夠晒配合主題喇。

雖然Gin Lee來自一年四季都非常高溫嘅馬來西亞，不過佢就指自己一樣怕熱，當日仲熱到接近Hang機無法運作，仲爆拍MV當日汗好似瀑布咁狂流不止呀。早前佢同師姐 宮祖兒 飛返家鄉為老闆嘅珠寶店剪綵，仲話一身示範嘅珠寶令自己心心眼，亦趁機會請大家品嚐榴槤呀。