金曲歌王 蕭煌奇 喺台北舉行一連兩場演唱會，著住燕尾服出場嘅佢喺弦樂團嘅伴奏下大騷唱功，令現場歌迷聽出耳油。平日有做Gym操練嘅佢，之後換上酒紅色緞面Deep v恤衫，胸肌若隱若現。
個唱請到同樣係金曲獎得主嘅 動力火車 做嘉賓，三把靚聲就算清唱都一樣動聽。動力火車講嘢出名幽默，煌奇又不嬲唔介意攞自己嘅視障嚟講笑，三人仲即場大玩地獄Gag，動力火車嘅顏志琳話嚟做嘉賓前，擔心台上無提詞機，煌奇即刻話自己真係從來冇用過提詞機。
尤秋興話自己唱歌習慣同對方有眼神交流，煌奇話自己都可以做到，不過秋興話剛才演出時，煌奇全程冇望過佢，令台下觀眾大笑。
