大家都知 王祖藍 係個顧家好男人，相當疼錫太太 李亞男 同兩個寶貝女，但其實佢都係一個浪漫底嘅男人，當年為追李亞男時，使出唔少浪漫招數！
myTV SUPER重溫《一周星星》精彩內容
李亞男喺《一周星星》入面，就同主持 許文軒 分別當年祖藍嘅浪漫往事，當中包括寫情信、寫情歌〈跌落凡間的天使〉送畀佢，知道李亞男要做MC，又會幫佢整理cue咭，重會highlight出重點，雖然呢一切喺佢哋結婚後就減少咗，但係每當李亞男要拍劇拍戲、祖藍都仲係會幫老婆整理劇本等。
節目中 鍾嘉欣 問到李亞男，如果祖藍每日都同一個女性朋友傾最少兩個鐘電話，咁樣佢會唔會呷醋，李亞男坦誠咁話一定會，仲爆出當年祖藍半夜同一位女性朋友傾咗好耐電話，自己因為咁而好唔開心，但因為怕被祖藍覺得佢太小氣，所以隔咗好耐先同返對方講。
《一周星星》星期日晚 21:30 翡翠台