王祖藍 嘅節目《藍朋友．旅朋友》同大家走訪廣西、福州同溫哥華唔同地區好玩好食好去處，當中仲邀請幾位加入演藝圈唔算太耐嘅 潘靜文 劉倬昕 同 吳兆麟 一齊參與，體驗唔同地方嘅風味。一提起幾位旅伴，祖藍更如數家珍分享對佢哋嘅觀察。
原來Sherman竟然係黑洞大胃王，見到美食仲會雙眼發光，而阿Sam就反爆祖藍私下無時無刻都會同老婆聯絡煲電話粥，而Alan就被指太過客氣，認為佢可以放鬆啲有更好發揮呀。
阿Sam同Alan早喺《福祿壽訓練學院》已經同祖藍認識，而Alan早前曾到內地發展，原來就得祖藍鼓勵，佢到橫店闖天下，更被形容係坐言起行，完全冇浪費時間。早年祖藍亦曾到內地發展，佢就指得益於內地演藝界發展嘅浪潮。
而幾位新一代成員，就各自有唔同目標，好似Sherman希望可以一圓開演唱會夢想，Alan就希望可以於《女神配對計劃2》追到 陳若思 ，而運動員出身嘅阿Sam，就希望他日可以主持奧運節目喇。
《一周星星》星期日晚 21:30 翡翠台