馬貫東《死有對証》英勇查案 戲外愛心爆棚獲流浪貓「寵幸」

馬貫東 於劇集《死有對証》中飾演英勇探員「高俊」，與 陳曉華 韋家雄 等攜手合力查案。佢又同飾演新手法醫嘅Hera組成「冤家組合」，兩人於劇中互動充滿火花，爆笑又溫馨，深受觀眾歡迎與喜愛。

myTV SUPER拆解亡命真相

螢幕上嘅Mark沉著英勇，但私底下嘅佢其實係既細心又溫柔嘅暖男。演戲之外佢係一位寵物美容師，唔止同檔於珠海開設學校授課，亦經常親自為毛孩扮靚，又公開同毛孩合照，愛心滿分。

近日阿Mark就為一隻無家可歸嘅黑白流浪貓仔沖涼，之後貓仔仲展現出對佢嘅信任，親暱爬上佢膊頭之餘，又不斷蹭向佢面頰同耳仔，非常感激呢位人類嘅溫柔照顧，呢次深受流浪貓「寵幸」嘅畫面充滿療癒感，阿Mark仲話可以為小靚仔尋家，用愛心幫助更多小生命。