何超蓮踏入35歲戒糖控飲食 中秋改吃一小角月餅著重陪伴家人

何超蓮呢日現身一個品牌店舖擔任剪綵嘉賓，平日對衣著配襯好有心得，超蓮話穿衣風格好代表到一個人嘅狀態，唔同場合着出嚟都呈現唔同感覺，整個人嘅氣場都唔同。

超蓮本身好鍾意食甜嘢，佢話踏入35歲後，開始透過控制飲食與減少糖分攝取，以前飲奶茶都要全糖，超蓮而家就盡量避開加工糖。

活動當日適逢中秋佳節，超蓮自製月餅兼返屋企陪媽媽過節，一家人團圓賞月，超蓮話細個着重食同玩，以前一個人拎住雙黃月餅咬，而家就只食一角仔月餅，長大後就着重陪伴。每逢節日，媽媽親自下廚，超蓮話只要係媽媽味道都OK，佢都鍾意食。