陳潔靈 與 葉麗儀 兩人合作嘅一連六場演唱會圓滿結束，尾場更獲 陳奕迅 擔任嘉賓，Eason仲開心到跳跳紮，佢就解釋自己係Miss Chan Chan嘅小Fans，所以開心得咁緊要呀，兩人更合唱經典《只怕不再遇上》同《講男講女》。呢日Eason仲帶齊收藏已久嘅兩位歌后黑膠唱片到場，又即席於台上自肥求簽名。
而 張繼聰 就大讚Miss Chan Chan 嘅正面態度令自己大受啟發，指要學習Elisa對任何事都放鬆面對，又搞笑指合作過後自己心態改變，努力發展事業，首件事更係放棄唱歌。笑到Elisa肚痛。
而MC張天賦 黃洛妍 岑寧兒 亦先後為前輩擔任嘉賓
