2020年度「友誼小姐」 鄺美璇 宣佈升呢做媽咪喜訊，囝囝Alexander已經出世，Masie公開抱住BB嘅合照，溫馨到不得了。
現年30歲嘅 鄺美璇 於加拿大多倫多出生、家境優越，更係一名學霸。佢畢業於知名學府倫敦政治經濟學院(LSE)，選美前曾擔任投資銀行市場分析員。Masie嘅家姐 鄺美淇亦曾於2016年參選港姐，妹妹Masie相隔4年踏上港姐舞台，憑藉甜美氣質同優雅談吐順利打入最後五強，最後榮獲「友誼小姐」殊榮。
Masie完成「友誼小姐」任務後選擇離巢，重返金融行業發展。佢同為金融界才俊嘅圈外男友Chit Chan相戀多年。到2021年年底，Masie獲男友以巨型鑽戒驚喜求婚，兩人隨後更遠赴浪漫之都巴黎拍攝婚紗照。
2023年1月兩人正式於教堂簽字行禮並舉辦婚宴，當時同屆港姐冠軍 謝嘉怡 亞軍陳楨怡 同季軍 郭柏妍 等好姊妹都出席組成「最靚姊妹團」送上祝福。婚後兩人感情甜蜜，不時到泰國、峇里島同意大利等地度假。今年佢公開懷孕喜訊，結婚三年多順利喜誕麟兒，正式組建幸福嘅三口之家。而Lisa同Rosita兩位好姊妹，更即時送上珍摯祝福。
