《中年好聲音4》唱將鄭家聲與吳亦偉趁中秋假期上廣州開騷，一班歌迷包團北上撐場，開心同偶像一齊歡度佳節，家聲同亦偉落力演出炒熱氣氛。
亦偉喺《中聲4》比賽後出席首個活動，指每次比賽嗰陣壓力比較大，而家可以好好唱歌，亦偉好感謝一班歌迷支持，讓佢有工作可以做，身旁嘅家聲聞言即大笑表示認同。
家聲今次好似間接一齊去旅行咁，佢早前返加拿大探親，喜見接機團陣容龐大，家聲順便開咗個fan meeting，佢差唔多成年冇返屋企，好掛住屋企人同張床，今次充足電。二人嚟緊有連串工作，家聲同亦偉準備好做「空中飛人」，努力兼顧兩地工作。
亦偉計劃推出原創歌曲嘅個人音樂專輯，佢希望出好多歌曲畀大家聽，家聲都想推出自己作品，快歌同慢歌不拘！