日前踏入27歲嘅 馮熙燮 同一眾Fans開Party慶祝，Ryan仲獲大家安排兩個非常特別嘅生日蛋糕，而佢就以自己嘅悅耳歌聲回饋大家支持喇。
呢日Ryan仲提到自己已投入籌備新歌，希望可以盡快提出同大家分享，亦希望作品可以帶俾大家正能量，不過因為希望將Idea再微調修正到完美，所以主題同方向就先唔公開喇。
早前挑戰擔任節目《呢度都有外星人》主持嘅Ryan，就謙虛指自己表現只係剛好合格，因為自己係首次做主持，只能以過往睇節目嘅概念嘗試，所以邊拍邊請教前輩，過程學到嘢仲非常開心，更加希望下次有機會再任主持，仲希望係飲食節目咁話。