阮浩棕北上發展曾遭刻意刁難 斬釘截鐵回應何沛珈假分手傳聞

阮浩棕喺TVB劇集《死有對証》飾演資深港聞記者「大佬詹」詹柏宇，與吳若希喺劇中擦出愛火，喺追查南亞幫及大馬富婆美娜綁架與情騙案線索，阮浩棕因行蹤敗露惹嚟殺身之禍，竟然慘遭活埋，阮浩拍攝該場戲時雙手被綁，遭人踢落坑時極難平衡，仲要被泥土覆蓋，因空間狹窄而產生幽閉恐懼感覺，與呼吸困難，一度感到呼吸困難。

myTV SUPER一齊拆解亡命真相

阮浩棕入行以嚟，觀眾對佢呈現兩極化評價，近日佢受訪時笑言拍《死有對証》最好玩係喺劇中瘋狂鬧吳若希，隨著劇情推進開始有啲黑化，佢坦言入行嗰陣好怕俾人知佢係「上等孫」，擔心自己做得唔好。

阮浩棕喺訪問中透露去內地發展試過被幕後刻意刁難，有次被導演安排角色，但幕後想搵自己班底，就逼阮浩棕「知難而退」，特登開好差待遇，房錢要求佢出一半、唔提供演員餐等，令佢明白世途險惡。

舊愛何沛珈最近參與《女神配對計劃2》，一度傳出二人扮分手，阮浩棕就斬釘截鐵稱當初跟對方做回好朋友係經過雙方成熟討論，至今仍然喺追夢路上互相扶持，佢仲話自己係做老公嘅好材料，而唔係做男友，目前專注喺事業發展。