湯鎮業早年已經將事業及生活轉戰到內地，但佢一有空閒就會同一對孖仔湯君慈（Bruce）同湯君耀（Chris）父子團聚，相隔兩地無礙親情。
9月29日係湯鎮業嘅68歲生日，佢喺百忙中抽空返港同一對孖仔見面，湯君慈同湯君耀仲好貼地帶爸爸去食日式放題賀壽，三父子勁食魚生同海鮮，見湯鎮業仲落手食到好滋味，湯君耀上載短片寫上Happy birthday bro.，盡顯父子之間嘅感情猶如兄弟般。
湯鎮業雖然長居內地，對一對兒子仍愛護有加，加上兩兄弟逐漸成長，又雙雙加入娛樂圈發展，同爸爸應該有著共同話題。湯鎮業雖然長駐內地，之前也難得出演TVB重頭劇《巨塔之后》做一位大反派角色，老戲骨味極濃，身影重現香港電視螢幕，同時亦令觀眾勾起唔少回憶。
