郭富城 （Aaron）愛車成癡就眾所周知，呢日佢以代言人身份喺上海出席一個新車發佈會，城城話雖然好享受揸賽車嘅速度感，但要接載屋企人就係另一回事。
城城話若果換新車或買新車，佢都會返屋企同老婆方媛Moka及女兒分享，無論買咩車或駕駛咩車都好，城城都Man爆表示心目中只有一個點，就係要家人或朋友坐佢車一定要安全，果然係個負責任嘅駕駛者。
發佈會仲有另一位嘉賓胡杏兒，作為三子之母嘅杏兒對座駕要求好高，因為每次單獨帶小朋友出行都唔簡單，比起拍戲更攰，杏兒話拍戲有劇本，湊小朋友係冇劇本，令佢秒秒鐘有驚喜，杏兒更喺活動上展示三位寶貝仔嘅生活照，獲觀眾大讚好可愛。
