張文慈（Pinky）喺TVB熱播劇《死有對証》客串演大馬富婆杜美娜，被渣男黃俊豪騙財又騙色，一度喝天拿水輕生卻撿回一命，事隔3年後，帶領南亞幫圍堵渣男，一邊面目猙獰地狂笑、一邊狠摑對方，完美演繹出因愛成恨嘅瘋癲形象。
《死有對証》星期一至五晚 20:30 翡翠台
張文慈今次喺劇中化身瘋女人，搵對方復仇，連張文慈睇完自己演出都忍唔住喺社交平台留言：「最近演的角色 好多時不是做富婆就是做癲婆😂」張文慈今次演嘅角色係曾飲天拿水自殺，聲帶必定嚴重受損，張文慈「瘋癲」演出，只能全程壓低聲線、用沙啞聲音講對白，又要面目猙獰地狂笑，真係好考演技！
回顧今年5月播出嘅劇集《重案解密》，張文慈飾演躁鬱症患者，七情上面喪鬧劇中丈夫張國強，其後慘遭對方以繩索勒死，屍體被保鮮紙包裹藏於木箱內，逼真駭人場面震撼觀眾眼球。張文慈今次喺《死有對証》再度大晒「瘋癲」演技，自然備受矚目。
《重案解密》教授殺妻案 直接前往myTV SUPER (YOUKU專區)
選美出身嘅張文慈演出經驗豐富，曾參演唔少影視作品，早年多演性感角色。張文慈於2016年加入TVB後，不斷展現多元化演技，2018年於《宮心計2深宮計》演盡忠職守、有情有義嘅汪司膳而大獲好評；2019年又於《木棘証人》化身學校訓導主任，其「眼鏡娘」造型與韋家雄嘅搞笑互動再次贏得觀眾讚賞，足見其戲路廣闊。
