死有對証丨陳曉華案發現場中毒 馬貫東記案件對白一字不漏

最新一集播出嘅《死有對証》高潮迭起，飾演法醫嘅陳曉華同師傅韋家雄去到發現屍體嘅案發現場後，Hera因為掂到嘔吐物中毒不適。

而另一場口係發現一副多年前嘅駭骨，韋家雄同Hera聯同飾演警員嘅馬貫東，一齊喺解剖室分析死者資料，畢業於中大護理系嘅Hera就話自身背景令佢特別容易投入角色，尤其喺記對白方面有好大幫助，加上自己對醫學方面嘅知識特別有興趣，所以拍得好開心。

飾演警察嘅馬貫東同Hera由冤家聚頭，演變到現時有啲曖昧，阿東喺劇中都同兩位法醫有好多交流，唔同瓣數嘅對白都要記得一清二楚，真係考起阿東嘅記憶力，尤其每個案件嘅時間、人物、地點、案發過程，每一個字眼都唔可以出錯，不過相比起Hera兩師徒，自己至少唔使背太多專業名詞，已經算係好輕鬆。