陳山聰 星期五生日，近日獲多位好友為佢慶祝正式「入五」轉字頭，唔止獲工作團隊、好友 佘詩曼 梁靖琪 等為佢慶祝，山聰亦公開同家人妻兒共同慶賀嘅相片。當中可見佢同太太Apple，仲有囝囝Jaco合照，生日蛋糕更以Jaco名義送上，甜到入心。
山聰寫道：終於入5喇✌🏼人生進入另一個階段，50嵗嘅我仍然有好多目標好多夢想，不過唔再好似以前咁急於實現，餘下嘅時間希望可以放慢腳步，慢慢跑慢慢追尋，繼續努力☺️ 該放下的就放下🤘🏿今年生日願望好簡單，希望身邊家人、朋友、長輩都身體健康💪🏽而我希望能夠有日夢想成真💕。
大批圈中好友好似 袁偉豪 唐詩詠 胡定欣 龔嘉欣 仲有 姚子羚 胡蓓蔚 黃智雯 陳敏之 都留言祝賀。而一向鬼馬嘅阿Bob，仲留言指山聰呢排生日餐餐都美食當前，笑言使唔使餐餐都食咁豐富呀，求其整兩個印尼撈麵得啦，更獲壽星回應話：你到咗50歲我請你食餐好好嘅。
