王祖藍與李亞男喺2015年結婚，先後誕下大女王天韻（Gabby）同細女王海靜（Hayley），一家四口非常幸福，祖藍同亞男近日喺TVB節目《藍朋友·旅朋友》前往溫哥華，重返亞男嘅成長地，祖藍首度重提當年克服困難，打動李亞男爸爸嘅驚險經過，成功娶得美人歸。
祖藍與「旅朋友」訴說見家長驚險經過
亞男出生於上海，細個隨父母移民加拿大生活，2004年參選《溫哥華華裔小姐》奪冠，翌年再奪《2005年國際華裔小姐》冠軍並簽約 TVB，當時亞男父母擔心愛女學壞，便將亞男託付畀韓馬利照顧，並加入「藝人之家」。
亞男同王祖藍相處1年漸生情愫，亞男坦言顧忌彼此身高差，又擔心自己並非真心喜歡對方，兩人忍痛分手3年，其間祖藍眼見女方傳緋聞，內心極度煎熬，2009年重遇並認定彼此攜手步入教堂。
祖藍同亞男步入婚姻前，要先過外父外母嗰關，亞男安排男友見家長，由於亞男性格單純，父母對愛女嘅終身幸福非常緊張。 當年祖藍憑《福祿壽》反串扮女人爆紅，讓思想較為保守嘅李亞男爸爸感到極度不滿，亦難以接受，李爸爸愛女心切，決定放下成見，與祖藍定下「三年之約」作為考驗，約定內容係「三年內不可以變壞、不可以有壞消息或壞新聞、不可以結婚」。
祖藍通過考核並答應喺香港、上海及加拿大三地擺婚宴，曾佢以500萬港元作禮金，用誠意打動外父外母，祖藍婚後更購入大宅築愛巢，將業權全歸老婆亞男名下，以證明真心。
