昆凌、邱以太等一眾演員現身新戲試映活動，電影以台灣首部真人轉描、全2D手繪嘅動畫作為賣點。呢套戲更係昆凌相隔5年再闖大銀幕，佢喺活動分享接戲原因，係因為對劇本感到好奇，好難判斷會結局會以咩方式完結，亦因如此被深深吸引。
昆凌呢次同邱以太有好多對手戲，仲有床戲演出，佢就話同以太合作好開心好自然，亦好放鬆。被問一路以嚟，覺得係邊個陪住自己？昆凌表示，雖然自己陪伴自己最耐，但因為有家人陪伴同鼓勵，自己先可以成為更好嘅人。
邱以太形容昆凌氣場強大，最初都唔敢同佢講嘢，直到後面交流多咗先開始放膽問問題。講到拍床戲時嘅感受，以太表示自己冇心理負擔，亦保持安全距離，不過腦海都會諗起周杰倫嘅歌曲。
