陳意涵 天心 懷秋 林子閎 等演員呢日現身新劇記招，天心同懷秋呢次會喺劇中有埋身肉搏嘅火辣場口，天心表示自己第一次拍床戲，呢種親密戲比拍錫錫戲難度大，而且要同對手不停過招，真係攰過拍動作戲！
懷秋更自爆不慎走光搞笑事，佢分享事前準備會自己親手為重要部位包紮以免走光穿崩，點知拍拍下天氣太熱，防護布走位，嚇到佢要即刻整返好，仲叫大家以後拍親密戲都係交由專人幫忙做防護會好啲。
子閎同林奕嵐嘅親密戲同樣唔少，而喺劇中，林奕嵐就更被好友劉修甫暗戀，呢種三角關係都令子閎話，無論喺劇中定係現實發生，都令佢覺得唔舒服，不過好好彩喺現實中冇發生過。劉修甫笑指自己嘅角色喺子閎同林奕嵐親熱時好尷尬，淨係得個「望」字，林奕嵐就話，其實劉修甫唔係望住自己，係望住子閎先啱。
