曹星如將主場出戰澳門拳王 已為人父爆囝囝指導戰術

香港拳手「神奇小子」 曹星如 早前接受 鍾培生 邀請，將同澳門拳王 蔣立昌 一較高下，Rex話非常期待呢次事隔9年再於香港觀眾面前出擊職業賽，更指已開始一系列訓練迎接呢次賽事，雖然有非常豐富信心，不過佢指拳擊比賽變數甚多，到時大家一定要好好留意比賽咁話。

呢次港澳兩埠對決，Rex指非常珍惜每一次踏上擂台出賽嘅機會，亦指於香港出戰希望香港朋友鼓勵會令佢更有主場優勢呀。已為人父嘅佢又話，小朋友睇過爸爸出賽影片，仲問爸爸點解唔擾敵，非常聰明呀。身為一家之主嘅佢話，會盡量減少受傷同令家人擔心呀。